གྲགས་ཅན་གསུང་རྩོམ། རྡུལ་ཕྲན་གཅིག་ཁོ་ནའི་ནང་གི་འཇིག་རྟེན།

རྡུལ་ཕྲན་གཅིག་ཁོ་ནའི་ནང་གི་འཇིག་རྟེན་ཞེས་པའི་དེབ་འདི་ཉིད་༧གོང་ས་མཆོག་

གིས་ལོ་མང་རིང་ཚན་རིག་དང་ནང་ཆོས་གཤིབ་བསྡུར་སྒོས་ཞིབ་འཇུག་བྱས་འབྲས་ཀྱི་

གྲུབ་དོན་ཞིག་ཡིན་ཞིང་། དེབ་འདིར་སྔོན་གླེང་དང་། མཇུག་གཏམ་མ་བརྩིས་པའི་་་་་་

དངོས་གཞིའི་ལེའུ་དགུ་ཡོད་པ་ནི། ལེའུ་དང་པོ། རྟོག་དཔྱོད། ལེའུ་གཉིས་པ། ཚན་རིག་་

དང་འཕྲད་པ། ལེའུ་གསུམ་པ། སྟོང་ཉིད། ལྟོས་གྲུབ། གཟུགས་ཀྱི་ཆུང་མཐའ། ལེའུ་བཞི་བ།

འབར་གས་ཆེན་པོ་དང་། ནང་ཆོས་ཀྱི་ཐོག་མ་མེད་པའི་འཇིག་རྟེན། ལེའུ་ལྔ་བ། རང་་་་

བཞིན་འཕེལ་རིམ། ལས་དང་སེམས་ཅན་གྱི་འཇིག་རྟེན། ལེའུ་དྲུག་པ། རྣམ་ཤེས་དང་་་་་

འབྲེལ་བའི་གནད་དོན། ལེའུ་བདུན་པ། ཚན་རིག་རྣམ་ཤེས་ ཀྱི་ཕྱོགས་སུ་བསྐྱོད་པ། ལེའུ་

བརྒྱད་པ།རྣམ་ཤེས་ཀྱི་རིགས། ལེའུ་དགུ་བ། ཀུན་སྤྱོད་དང་རིགས་རྒྱུན་གསར་བ།
མཇུག་བསྡུ། ཚན་རིག སེམས་ཁམས། འགྲོ་བ་མི། ཞེས་པ་བཅས་སྔོན་གླེང་དང་དངོས་་་་

གཞིའི་ལེ་ཚན་མཇུག་བསྡུ་བཅས་ལྷན་དུ་སྡེ་ཚན་བཅུ་གཅིག་ཡོད། དེབ་ཀྱི་རྩོམ་སྒྲིག་་་་

གཙོ་འགན་པ་ཐུབ་བསྟན་སྦྱིན་པ་དང་། ཁོང་གི་ལས་རོགས་ཡསེ་ཨེལ་སེནར་ཡིན་ཞིང་། ཉིས་སྟོང་ལྔ་ལོའི་ཟླ་བཅུ་བར་ཨ་རིའི་དཔར་ཁང་ཞིག་ནས་དཔེ་སྐྲུན་བྱས་ཡོད། དེབ་འདིའི་སྐོར་༧གོང་ས་མཆོག་རང་གིས་སྔོན་གླེང་ནང་གསུངས་གསལ། འདས་པའི་ལོ་

སུམ་ཅུའི་ ནང་ངོས་ནས་ཚན་རིག་པ་མི་སྒེར་ལ་ཐུག་འཕྲད་དང་། བགྲོ་གླེང་བྱེད་རྒྱུའི་གོ་

སྐབས་གང་མང་བྱུང་། ཐུག་འཕྲད་སྐབས་ངོས་ནས་ཚན་རིག་པའི་བསམ་བློའི་གཞི་རྩའི་་

མ་དཔེ་དང་། དཔྱད་ཞིབ་བྱ་ཚུལ། དེ་བཞིན་ལྟ་གྲུབ་བྱེ་བྲག་པ་དང་། གསར་རྙེད་རིག་

པའི་ཕན་ནུས་བཅས་ཤེས་ཐབས་ལ་རྟག་ཏུ་འབད་བརྩོན་བྱས་པ་ཡིན། འོན་ཀྱང་ངོས་

ནས་ཚན་རིག་ལ་བསམ་བློ་གཏིང་ཟབ་བཏང་བ་དེ། དེའི་ཕན་ནུས་ཤེས་པ་བརྒྱུད་དངོས་

ཡོད་གནས་ཚུལ་རྟོགས་ཐབས་ཙམ་གྱི་ཆེད་དུ་མ་ཡིན་པར། དེ་བས་གལ་ཆེ་བ་ཚན་རིག་

གིས་མིའི་གལ་གནད་དང་བཟང་སྤྱོད་ལ་ཕན་ནུས་ཇི་འདྲ་ཞིག་ཐེབས་མིན་གྱི་འགག་རྩ་

དེ་ཡིན།འདས་པའི་ལོ་དེ་དག་ནང་ངོས་ནས་འཚོལ་ཞིབ་ ཤུགས་ཆེ་ཤོས་བྱ་ཡུལ་གྱི་ཚན་

རིག་གི་སྡེ་ཚན་བྱེ་བྲག་པ་ནི། ཕྲ་རྡུལ་གཟུགས་དཔྱད་རིག་པ་དང་། འཛམ་གླིང་རིག་པ།

རྩ་ཁམས་རིག་པ། སེམས་དོན་རིག་པ་ཐེ་བའི་སེམས་ཁམས་རིག་པ་བཅས་ཡིན། ངོས་ཀྱི་

ཤེས་རིག་སློབ་སྦྱོང་དེ་སངས་རྒྱས་པའི་བསམ་བློ་ཡིན་སྟབས་ནང་ཆོས་ཀྱི་བསམ་ཚུལ་

གལ་ཆེ་རྣམས་དང་ཚན་རིག་གི་བསམ་བློ་གལ་ཆེན་ཁག་གི་བར་འབྲེལ་བ་ཇི་འདྲ་ཞིག་

ཡོད་དམ་སྙམ་པའི་བསམ་བློ་ཡང་ཡང་འཁོར་མྱོང་། དེབ་འདི་ནི་དེ་ལྟར་བསམ་བློ་

རྒྱུན་རིང་འཁོར་བའི་འབྲས་བུ་དང་། བོད་ཀྱི་ནང་བའི་དགེ་འདུན་པ་ཞིག་ལྦུ་བའི་

ཁང་པ་དང་། རྡུལ་ཕྲན་མྱུར་མགྱོགས་གཏོང་བྱེད། ཨེཕ། ཨེམ། ཨར། ཨ་ཡིའམ། ཁབ་

ལེན་ནུས་ཤུགས་འདྲ་ལེན་ བཅས་ཀྱི་འཛམ་གླིང་ནང་ཤེས་ཡོན་གྱི་འགྲུལ་བཞུད་བྱས་

སྐོར་ཡིན། ཞེས་གསུངས་པ་བཞིན་ཆོས་ཚན་གཉིས་སོ་སོར་མ་འདང་བའི་ཆ་གང་ཡོད་

དང་། སོ་སོར་དམིགས་བསལ་གྱི་ཁྱད་ཆོས་དང་ཕན་ནུས་གང་ཡོད་བཅས་སུ་ཚད་གཞི་

མཐོ་ཞིང་། གཟིགས་རྒྱང་ཡངས་པོའི་སྒོ་ནས་རྒྱུན་གྱི་དགོངས་ཚུལ་གང་ཡོད་ཁར་་་་་

དམིགས་བསལ་གྱིས་ཚན་རིག་དང་ནང་ཆོས་སམ། བཤད་སྟངས་གཞན་ནས་བཤད་ན།

ཚན་རིག་དང་བོད་བརྒྱུད་ནང་བསྟན་མཚན་ཉིན་རིག་པ་གཉིས་གཤིབ་བསྡུར་བྱས་

པའི་ཞིབ་འཇུག་གི་དུས་ཡུན་བགྲང་བྱ་སུམ་ཅུའི་ནང་གསར་རྟོགས་དང་། ངོས་ཟིན་

གང་བྱུང་ཞིབ་གསལ་ངང་བཀོད་པའི་དཔེ་དེབ་གྲགས་ཆེན་ཞིག་རེད། དེབ་འདི་དང་

འབྲེལ་བའི་ཡིད་སྤྲོའི་གནས་ཚུལ་ཞིག་ཡོད་པ་ནི། བོད་ཀྱི་དཔེ་མཛོད་ཁང་གི་འགན་

འཛིན་དེ་སྔ་༧གོང་ས་མཆོག་གི་གསུང་བསྒྱུར་པ་དགེ་བཤེས་ལྷག་རྡོར་སོགས་ཤེས་

འཇོན་ལྷག་བསམ་ཅན་ཁག་ཅིག་གིས་དེབ་འདི་ཉིད་བོད་ཡིག་ནང་བསྒྱུར་ཏེ་
རིང་མིན་དཔེ་སྐྲུན་འགྲེམས་སྤེལ་གནང་རྩིས་ཡོད་པ་རེད། དེ་འདྲའི་ཕྱག་ལས་

བཟང་བོ་འདི་ལེགས་འགྲུབ་བྱུང་ཚེ། ཕྲན་གྱི་རེ་བར་དེབ་འདི་ཉིད་སྤྱིར་བོད་མི་

སུས་ཀྱང་ལྟ་ཀློག་བྱེད་དགོས་པ་ཙམ་དུ་མ་ཟད། ལྷག་པར་དུ་ཆོས་ཚན་གང་རུང་གི་

ཕྱོགས་འཛིན་གྱི་ལྟ་བའི་མཐར་ལྷུང་མཁན་ཚོས་དམིགས་བསལ་གྱིས་ཞིབ་གཟིགས་

གནང་གལ་ཆེ་བའི་སྔོན་མེད་ལེགས་བཤད་ཀྱི་སྐྱེས་གསར་བ་ཞིག་ཡིན། དབྱིན་ཡིག་

ནང་གི་དཔེ་དེབ་འདི་ཉིད་བཙལ་འཚོལ་བྱེད་མི་ཚོས་དེབ་<>
མིང་འདིའི་ཐོག་ནས་འཚོལ་ཞིབ་བྱེད་དགོས་པ་བཅས་མཚམས་སྦྱོར་མདོར་

བསྡུས་སུ་བགྱིས་པའོ།